Бүген Татарстан Рәисе Рөстәм Миңнеханов җитәкчелегендәге Татарстан Республикасы делегациясе Таҗикстанның Согдий өлкәсендәге предприятиеләрдә булды. Искәртәбез, Рөстәм Миңнеханов Таҗикстанда эш сәфәрендә.
Бүген Татарстан Рәисе Рөстәм Миңнеханов Таҗикстан Республикасына эш сәфәре кысаларында Согдий өлкәсенең Хуҗанд шәһәрендә урнашкан мәдәни мирас объектларында булды. Кунак өчен «Арбоб» мәдәният сарае һәм Хуҗанд кирмәненең мәдәни-тарихи комплексы буйлап экскурсия уздырдылар. Согдий өлкәсенең тарихи истәлекле урыннары һәм курорт урыннары Россиядән туристларны җәлеп итү үзәгенә әверелергә мөмкин.
Бүген Хуҗанд шәһәрендә Татарстан һәм Таҗикстан бизнес-даирәләренең үзара хезмәттәшлегенә багышланган «Татарстан-Таҗикстан» эшлекле форумы һәм түгәрәк өстәле узды Форум эшендә Татарстан Республикасы Рәисе Рөстәм Миңнеханов һәм Согдий өлкәсе Рәисе Раҗаббой Әхмәдзода катнашты.
Бүген төштән соң Татарстан Республикасы Рәисе Рөстәм Миңнеханов Таҗикстан Республикасының Хуҗанд шәһәренә килде. Искәртәбез, Рөстәм Миңнеханов Таҗикстан Республикасына эш сәфәренә килде (2025 елның 1-3 апреле). Хуҗанд халыкара аэропортында Рөстәм Миңнехановны Согдий өлкәсе Рәисе урынбасары Әнвәр Якуби һәм Россиянең Хуҗандтагы Генераль консулы Сергей Ланкин каршы алды. Рөстәм Миңнеханов Согдий өлкәсе Рәисе Раҗаббой Әхмәдзода белән очрашты.
Бүген Дүшәнбедә Татарстан Республикасы Рәисе Рөстәм Миңнеханов Таҗикстан Республикасы Президенты Эмомали Рахмон һәм Таҗикстан Республикасы Премьер-министры Кохир Рәсүлзодә белән очрашты.
Бүген кич белән Татарстан Республикасы Рәисе Рөстәм Миңнеханов Таҗикстан Республикасы башкаласы Дүшәнбегә эш сәфәренә килде. Иртәгә аның программасында Таҗикстан җитәкчелеге белән очрашулар планлаштырылган, ә төштән соң Согдий өлкәсе җитәкчелеге белән сөйләшүләр һәм Хуҗанд шәһәрендә «Таҗикстан - Татарстан» эшлекле форумында катнашу көтелә.
Татарстан Россиянең энергетика иминлеген тәэмин итүгә зур өлеш кертә. Бу хакта Татарстан Рәисе Рөстәм Миңнеханов БДБ Электр энергетикасы советының 66 нчы утырышында белдерде. Очрашу «Казан Экспо»да «Энергопром» Татарстан энергетика форумы кырларында узды.
Бүген «Казан Экспо»да «Энергопром» Татарстан энергетика форумы кысаларында «Яңа энергетика технологияләре һәм технологик лидерлык: тенденцияләр һәм чакырулар» пленар утырышы узды. Аның эшендә Татарстан Рәисе Рөстәм Миңнеханов, Россия Энергетика министры Сергей Цивилев, Россия Сәнәгать һәм сәүдә министры урынбасары Михаил Иванов һәм башкалар катнашты.
Татарстан Рәисе Рөстәм Миңнеханов һәм Россия Энергетика министры Сергей Цивилев «Энергопром» Татарстан энергетика форумы кысаларында Бөек Ватан сугышында һәм сугыштан соңгы елларда илебез энергетикасын торгызуда катнашкан энергетика тармагының 9 ветераны белән очраштылар.
Татарстан Рәисе Рөстәм Миңнеханов һәм Россия Энергетика министры Сергей Цивилев Новиком банкның эшлекле иртәнге ашында катнаштылар. Чара «Казан Экспо»да «Энергопром» Татарстан энергетика форумы кырларында узды.
Бүген Россия Энергетика министры Сергей Цивилев, Татарстан Рәисе Рөстәм Миңнеханов «KazanEnergyExpo» махсуслаштырылган Энергетика күргәзмәсендә булдылар. Исегезгә төшерәбез, күргәзмә «Энергопром» Татарстан халыкара энергетика форумы кысаларында оештырылган һәм «Казан Экспо» халыкара күргәзмә үзәге мәйданчыгында уза.
Бүген «Казан Экспо» халыкара күргәзмә үзәгендә «Энергопром» Татарстан халыкара энергетика форумы ачылды. Ачылу тантанасында Россия Энергетика министры Сергей Цивилев, Татарстан Рәисе Рөстәм Миңнеханов, Таҗикстан Республикасы Энергетика һәм су ресурслары министры Далер Җума катнашты. «Энергопром» форумында БДБ илләренең кайбер министрлыклары вәкилләре катнашты.
Татарстан Рәисе Рөстәм Миңнеханов һәм Россия Энергетика министры Сергей Цивилев «Mapna Group» Иран компаниясе җитәкчелеге белән очрашты. Очрашу «Казан Экспо»да «Энергопром» Татарстан энергетика форумы кырларында узды.
Бүген Татарстан Республикасы Рәисе Рөстәм Миңнеханов Мәскәүдә 2050 елга кадәр нефть һәм күмер тармагын үстерүгә багышланган стратегик сессиядә катнашты. Стратегик сессияне Россия Хөкүмәте рәисе Михаил Мишустин уздырды.
Бүген Мәскәүгә эш сәфәре кысаларында Татарстан Рәисе Рөстәм Миңнеханов РФ Хөкүмәте Рәисе урынбасары Марат Хөснуллин белән очрашты. Эшлекле очрашу кысаларында төбәкнең социаль-икътисадый үсеше мәсьәләләре буенча фикер алыштылар.
Татарстан - илдә цифрлы трансформация лидерларының берсе. «Цифрлы икътисад» илкүләм программасы гамәлгә ашыру ИТ-тармак үсешенә өстәмә импульс бирде.
Бу хакта бүген Татарстан рәисе Рөстәм Миңнеханов Kazan Digital Week – 2024 форумының «Киләчәк технологик лидерлыктан гыйбарәт" пленар утырышында белдерде.
Чара «Казан Экспо» ХКҮ мәйданчыгында уза.
Форум кунаклары арасында Россия Федерациясенең Цифрлы үсеш, элемтә һәм массакүләм коммуникацияләр министры Мәкъсүт Шадаев, башка рәсми затлар бар иде. Форумда катнашучыларга видео сәламләү сүзен Россия Хөкүмәте Рәисе Михаил Мишустин юллады. Пленар утырышның модераторы Россия журналисты, «Россия-24» каналында мәгълүмати программалар алып баручы Дмитрий Щугорев булды.
Россия Федерациясе Цифрлы үсеш, элемтә һәм массакүләм коммуникацияләр министры Мәкъсүт Шадаев сәламләү сүзендә билгеләп үткәнчә, Kazan Digital Week гадәттәгечә кызыксыну уята. Ул ассызыклаганча, биредә ИТ- өлкәдә төп эшләүчеләр бар, һәм форум мәйданчыгы яңа планнар билгеләргә һәм мөһим темалар турында фикер алышырга мөмкинлек бирә.
Татарстан Рәисе Рөстәм Миңнеханов, форумның пленар утырышында чыгыш ясап, чараны уздыруда ярдәмнәре өчен Россия Федерациясе Хөкүмәтенә, Россия Федерациясе Цифрлы үсеш, элемтә һәм массакүләм коммуникацияләр министрлыгына рәхмәт белдерде. Ул искә төшергәнчә, форумны әзерләү һәм уздыру буенча ведомствоара эш төркемендә, бердәм эш нәтиҗәсендә, республика һәм федераль министрлыклар һәм ведомстволар вәкилләре җыелды. Рөстәм Миңнеханов шулай ук чараның инициаторы һәм оештыручысы – Цифрлы үсешкә ярдәм итү ассоциациясен билгеләп үтте.
"Татарстан – илдә цифрлы трансформация лидерларының берсе. «Цифрлы икътисад» илкүләм программасын гамәлгә ашыру ИТ-тармак үсешенә өстәмә этәргеч бирде, – дип ассызыклады Рөстәм Миңнеханов. – Ил Президенты Владимир Путин ярдәме белән программа кысаларында колачлы чаралар гамәлгә ашырыла. Тизләнешле интернетка 10,5 меңнән артык социаль учреждение тоташтырылган. Цифрлы тигезсезлекне бетерү буенча зур эш алып барыла: бүгенге көндә республикадагы йорт хуҗалыкларының 86%ы киң полосалы Интернет белән тәэмин ителгән. Соңгы 3 елда гына да 300 меңнән артык. авыл хуҗалыклары оптик тизләнешле Интернет белән тәэмин ителде».
Без һәр кешенең мәгълүмат, дәүләт һәм финанс хезмәтләреннән тиз файдалануына омтылабыз, дип искәртте Рөстәм Миңнеханов. Ул искәрткәнчә, Россия Президенты куйган илкүләм максат кысаларында республика барлык дәүләт һәм муниципаль хезмәтләрне – барлыгы 319 хезмәтне – электрон рәвештә гражданнар файдалана ала торган беренче төбәк булды. Бу эш дәвам итә, һәм хәзер безнең бурыч - хезмәтләрне оешмаларга һәм КФҮләргә килмичә электрон рәвештә күрсәтү, дип белдерде Рөстәм Миңнеханов.
2023 елда Kazan Digital Week та имзаланган килешү кысаларында Татарстанда, «Ай-Си-Эл» компаниясе белән берлектә, республика һәм муниципаль учреждениеләрне «Астра Линукс» операцион системасына күчерү буенча эш алып барыла. Рөстәм Миңнеханов сүзләренчә, агымдагы ел ахырына кадәр күчүне якынча 140 мең эш урыны башкарачак.
"Республикада 3 ИТ-парк мәйданчыгы эшли, һәм бүген алар тулысынча эш белән мәшгуль, - диде аннары Рөстәм Миңнеханов. – ИТ-паркта 546 резидент эшли, 6 мең эш урыны булдырылган. Кайбер резидентлар Россия төбәкләре һәм дустанә илләр компанияләре белән уңышлы хезмәттәшлек итә».
Моннан тыш, ИТ-инфраструктураның эре шәһәрләрдә генә төзелмәве мөһим. Татарстанда талантлы яшьләрне җәлеп итү һәм аларга ярдәм итү өчен республиканың 20 районында муниципаль ИТ-мәйданчыклар ачылды. Россия ИТ-компанияләренең һәм белгечләренең җәлеп итү үзәге - Иннополис шәһәре, диде Рөстәм Миңнеханов. "Махсус икътисадый зонаның ике мәйданчыгында 338 компания эшли, аларның инвестицияләре 174 млрд сумнан артып китте, 10 меңгә якын эш урыны булдырылды. Быел җәй көне Идел буенда иң эре мәгълүматларны эшкәртү һәм саклау үзәге ачылды, аны безнең стратегик партнер – «Росатом» дәүләт корпорациясе төзеде", - диде ул.
Рөстәм Миңнеханов ил Хөкүмәтенә 1119 нчы карары өчен рәхмәт белдерде – аның кысаларында «Иннополис» МИЗ территориясендә 2 эре индустриаль парк төзелде. Ул форумда катнашучыларны югары технологияле проектларны гамәлгә ашыру өчен Татарстан мәйданчыклары резидентлары булырга чакырды.
"Күпьеллык системалы эш нәтиҗәсендә Татарстанда куәтле ИТ-тармак формалашты. Республикада якынча 3,3 мең ИТ-компания эшли, аларда 42 меңнән артык кеше эшли. Соңгы 5 елда аларның еллык кереме 2 мәртәбә артты һәм узган елда 177 млрд. сумга җитте", - дип сөйләде ул.
"Татарстанда төрле яшьтәгеләр өчен һөнәри юнәлеш бирү һәм ИТ-белем бирүнең комплекслы системасы төзелде, - диде аннары Рөстәм Миңнеханов. - Бәшир Рәмиев исемендәге ИТ-паркта балалар ИТ- паркы һәм башлангыч ИТ-мәктәп эшли. «Сбербанк» белән уртак «Мәктәп 21» проекты эшли, һәм бу проектка ихтыяҗ зур. Өлкән буын өчен Өченче буын университеты эшли. Без студентларның технологик эшкуарлыгына аерым игътибар бирәбез. Быел Татарстан Инновацияләргә ярдәм фондының «Студентлар стартабы» конкурсында җиңүчеләр саны буенча Мәскәүдән кала икенче булды. Безнең республикадан - 292 җиңүче".
Рөстәм Миңнеханов сүзләренчә, белем бирүгә һәм кадрлар формалаштыруга Казан элемтә техникумы зур өлеш кертә. Бүген ул федераль компетенцияләр үзәге статусына тулысынча туры килә, биредә 38 төбәктән килгән студентлар белем ала, ә конкурс бер урынга 15 кеше тәшкил итте. "2015 елдан техникум чемпионат хәрәкәтенең актив катнашучысы булып тора. 2024 елның сентябрендә аның базасында югары технологияле һәм перспективалы юнәлешләр буенча БРИКС халыкара чемпионатының финал этабы узачак", - дип искәртте Татарстан Республикасы Рәисе һәм Мәкъсүт Шадаевтан яңа кампус төзү проектына ярдәм итүен сорады.
Рөстәм Миңнеханов шулай ук федераль министрдан «Мәгълүматлар икътисады һәм дәүләтнең цифрлы трансформациясе» илкүләм проектын формалаштыру эше кысаларында төбәк һәм муниципаль хакимият органнары өчен 10 үрнәк мәгълүмати система булдыру буенча эш төркемнәре составына республика вәкилләрен кертүне сорады. "Ил Президенты һәм Хөкүмәте безгә зур ышаныч белдерде – республика берничә халыкара чаралар өчен мәйданчык итеп сайланды. Казан беренче "Киләчәк уеннарын" кабул итте – спорт, фән һәм технологияләр тоташуындагы спорт вакыйгасы. Безгә Иннополиста БРИКС илләренең элемтә һәм мәгълүматлаштыру министрлары очрашуын үткәрергә кирәк (агымдагы елның 26-27 сентябре), ә октябрьдә Казанда 16 нчы БРИКС саммиты узачак, анда югары делегацияләр катнашыр дип көтелә. Федераль дәрәҗәдәге чара статусын алган Kazan Digital Week форумы республикабызның визит карточкаларының берсенә әверелде һәм ел саен Россия һәм чит ил профессиональ җәмәгатьчелегендә зур кызыксыну уята", - диде Рөстәм Миңнеханов.
Рөстәм Миңнеханов форумда катнашучыларга эшләрендә уңышлар теләде. Ул форум мәйданчыгында уртак эш иң яхшы тәҗрибәләр белән танышырга, илебез сәнәгатен һәм фәнен үстерүгә юнәлдерелгән алга китеш юлларын эшләргә ярдәм итәчәгенә ышаныч белдерде.